குளிர்ந்த ஜனவரி இரவுக் காற்றில்
நெடிய புற்கள் வளைந்தாடுகின்றன
நீருக்குள் ஓசை எழுப்பித்
தாவுகிறது ஒரு தவளை
எதையும் கவனிக்கும் நிலையில்
இல்லை  ஃப்யூஜி-சான்.

மேற்படிகள் சூழ கருப்பு வேட்டியில்
விழுந்த நீள்கிழிசலாய் நிலா,

இரண்டிற்கும் அடியில்
காரை பெயர்ந்து சொரசொரக்கும்
மொட்டை மாடி மதிற்சுவர் மேல்
பாவாடை நைந்திடச் சாய்ந்த ஒயிலில்
என்னெதிரே நீ…

இன்றைக்கு இது போதுமெனக்கு¹.

*

¹ இன்றைக்குப் போதுமிதுவெனக்கு²

² போதுமிது இன்றைக்கெனக்கு³

³ போதுமிது எனக்கின்றைக்கு