தொடக்க அடியாக எனது கவிதைகள் ஒன்றிரண்டினை முயற்சித்துப் பார்த்தவண்ணம் இருக்கிறேன். ஒரு பேனலின் மையப் பொருளை எங்கே வைப்பது, எவ்வளவு காலி இடம் விட வேண்டும், எழுத்துகளை வைக்குமிடம் என ஒவ்வொன்றையும் செய்துபார்த்து உருவாக்குவது சுவாரசியம். பல சாத்தியங்களைக் கொண்டதாயிருக்கிறது இந்த வடிவம். இந்த காமிக்கின் வடிவமைப்பு, உள்ளடக்கம், மற்றும் தன் முறையில் அந்த உள்ளடக்கத்தில் அடங்கியிருப்பது ஆகியவை எனக்குப் பெரும் சவாலாக உள்ளன. வாசகர்களுக்கும் அவ்வாறே இருக்குமென நம்புகிறேன்.