பேயோன் » காதல்

சொற்கம்

பேயோன் — Wed, 25 Jan 2012 10:06:44 +0000

எப்போதாவதிற்கென
எடுத்துப் பார்க்க
உன் உடலிளைத்த
பழைய புகைப்படம் ஒன்று
பசித்தால் புசிக்க
நிலவில் தோய்த்த
தாரகைத் துண்டுகள்
கடலை தியானிக்காத
பொழுதுகளில் படித்தாழ
தேவதைக் கதைகள்
அந்திக்குச் சுவை கூட்ட
ஒரு மொந்தை அனிச்ச மது
ஆளில்லாத ஒரு தீவில்
என் தனித் தங்கலுக்குப்
போதுமிவை மட்டுமெனக்கு.

காதல் கவிதை

பேயோன் — Sat, 03 Dec 2011 12:06:27 +0000

எனக்கு யாரும்
அழகில்லை
அறிவில்லை
சரியில்லை
நல்லதில்லை
பிரச்சினையில்லை
பரவாயில்லை
தெரியவில்லை
புரியவில்லை
தேவையில்லை
யாருமில்லை
ஒன்றுமில்லை
உன்னைத் தவிர

மூன்று கவிதைகள்

பேயோன் — Thu, 01 Dec 2011 04:41:36 +0000

என்ன வேண்டுமானாலும் செய்
எல்லாவற்றைப் பற்றியும்
எழுதிக்கொண்டுதான் இருக்கிறேன்

மாறியும்
துரத்தியும்
சீண்டியும்
வாழ்க்கை
கொண்டிருக்கிறது

அன்பே, அன்பே
என்றுன்னை அழைத்துக்
கவிதை எழுதிக்கொண்டிருந்துவிட்டு
இப்போது ரெஸ்பெக்டட் மேடம்
என்றழைத்துக் கவிதை எழுதுவது
இதயம் கனக்கச் செய்கிறது.